Stuðreynd 14
Eins eða þriggja fasa rafmagn?
Munurinn á þriggja fasa og einfasa rafmagni er fyrst og fremst að aflið er tekið í gegnum fleiri fasa þegar það eru þrír fasar.
Einfasa hefur þrjá víra staðsetta innan einangrunar, tveir heitir vírar og einn núll eða jörð vír veita kraftinn en hver heitur vír gefur 230 volta rafmagn. Jörðin er ekki með spennu.
Þriggja fasa afl er veitt af fimm vírum.
Þrír eru með spennu sem bera 230 volta rafmagn, einn er núll og fimmti er jarðtenging.
Yfirleitt stendur í rafmagnstöflunni hvort um er að ræða einfasa eða þriggja fasa rafmagn:
• 230V eða 1x230V þýðir að um er að ræða einfasa
• 400V eða 230/400V eða 3x230/400V þýðir að um er að ræða þriggja fasa
Á Íslandi er rafmagn í flestum eldri einbýlishúsum einfasa. Í nýrri einbýlishúsum er venjulega þriggja fasa rafmagn.
Í fjölbýlishúsum á að vera þriggja fasa rafmagn.
Taka þarf tillit til almennrar notkunar hússins til að meta hversu mikið afl er til ráðstöfunar fyrir hleðslu rafbíla. Algeng hámarksnotkun sérbýlis er 5-7 kW en getur farið í 14-15 kW.
Einnig er nauðsynlegt að hafa í huga að ekki er hægt að tengja þriggja fasa rafstöð við einfasa rafmagn. Sé þriggja fasa rafmagn hins vegar í boði er vert að íhuga kaup á þriggja fasa stöð þar sem hleðslutíminn er styttri. En þá þarf að skoða hver geta bílsins er til að taka við hleðslu.