Orkusalan hóf vegferð sína í hleðslulausnum árið 2018 með það að markmiði að auðvelda rafbílaeigendum að komast leiðar sinnar hringinn í kringum landið.

Síðan þá hefur Orkusalan sett upp fjölda hraðhleðslustöðva um allt land og mun þeim fjölga enn meira á næstu árum.

Orkusalan og e1 hafa tekið höndum saman um að allar hleðslustöðvar Orkusölunnar verði aðgengilegar í e1-appinu en með þessu vill Orkusalan styðja við íslensk sprotafyrirtæki og auðvelda rafbílaeigendum aðgang að öllum stöðvum á einn stað.

e1 er íslenskt hugbúnaðarsprotafyrirtæki sem hefur þróað app með það að markmiði að allir geti fundið hleðslustöðvar, hlaðið og greitt fyrir á einfaldan hátt. Aðalmarkmið e1 er að sameina allar hleðslustöðvar á einum stað en koma jafnframt á deilihagkerfi þar sem eigendur hleðslustöðva geta selt öðrum aðgang að sínum stöðvum.